Retratga da datas: simpel e direct

Simbol da Retratga

Las geodatas digitalas disponiblas da l'administraziun federala pon vegnir retratgas directamain sur l'uffizi federal respectiv. Metadatas survegnis Vus gratuitamain sur Geocat, il catalog da metadatas geograficas da la Svizra. Cun tschertas restricziuns èn geodatas gratuitas. Resguardai en quest connex las disposiziuns d'utilisaziun respectivas.

Pussaivladads da retratga

Geodatas survegnis Vus directamain sur ils uffizis federals ch'èn inditgads qua:

geocat.ch è il catalog da metadatas geograficas da la Svizra. Qua pudais Vus retrair gratuitamain metadatas. Metadatas èn ina cumponenta essenziala d'ina infrastructura da geodatas. Uffizis federals, chantuns, vischnancas e firmas privatas registreschan en geocat.ch metadatas tar lur atgnas geodatas. geocat.ch è ideal per cumenzar a tschertgar geodatas spezialas sco fotografias or da l'aria, maletgs da vitgs protegids, privels da la natira, terratrembels e.u.v.
 

Uffizi federal da svilup dal territori (UFST) (en tudestg)

Bundesamt für Strassen (ASTRA) (en tudestg) 

Uffizi federal d'aviatica civila (UFAC) (en tudestg)
 

Uffizi federal d'agricultura (UFAG) (en tudestg) 

  • cunfins da las zonas agriculas
  • Klimaeignungskarte für die Landwirtschaft
     

Uffizi federal d'ambient (UFAM) (en tudestg) 

  • territoris natirals, parc naziunal
  • geologia, geotecnica
  • inventaris federals
     

Uffizi federal da statistica (UST) (en tudestg)

  • utilisaziun dal terren e cuvrida dal terren (statistica d'areal), adattaziun dal terren
  • infurmaziuns or da las dumbraziuns dal pievel davart persunas, davart edifizis, davart abitaziuns e davart chasadas
  • infurmaziuns or da la dumbraziun dals manaschis davart lieus da lavur e davart las persunas emploiadas
  • cunfins da vischnanca generalisads
  • cunfins da quartier da citads pli grondas
  • datas da la cuntrada en ina dissoluziun da 100 m
     

Uffizi federal da topografia swisstopo (en tudestg)

Uffizi federal per meteorologia e climatologia (MeteoSvizra) (en tudestg)

  • products da datas climatologicas e meteorologicas

Quant custan geodatas? 

  1. Metadatas (en spezial las infurmaziuns davart las datas disponiblas, davart ils formats, davart las cundiziuns generalas e.u.v.) èn accessiblas publicamain e gratuitamain sur geocat.ch.
  2. Geodatas pon vegnir chargiadas giu gratuitamain cun tschertas restricziuns. Resguardai en quest connex las disposiziuns d'utilisaziun da mintga purschidra u da mintga purschider. 
  3. Geodatas da basa dal dretg federal :  annexe 1 OGeo (art. 1 al 2) :

Art. 10 Grundsatz 
Geobasisdaten des Bundesrechts sind öffentlich zugänglich und können von jeder Person genutzt werden, sofern keine überwiegenden öffentlichen oder privaten Interessen entgegenstehen.

Art. 15 Gebühren 
1 Bund und Kantone können für den Zugang zu Geobasisdaten und deren Nutzung Gebühren erheben. 

 

Model da distribuziun per la publicaziun da geodatas da la confederaziun

La lescha federala davart la geoinfurmaziun LGeo ed ils posts cumpetents da l'administraziun federala decidan davart la publicaziun da geodatas e da geodatas da basa sco er davart l'access public. Geodatas e geodatas da basa vegnan rendidas accessiblas directamain en l'internet sut las suandantas cundiziuns:

  • Las geodatas publitgadas ed accessiblas libramain duain satisfar en moda svelta ed a custs favuraivels ad ina gronda part dals basegns per geoinfurmaziuns. Sch'i sa tracta tar las geodatas da geodatas da basa, èn ellas accessiblas tenor la annexe 1 OGeo (art. 1 al 2).
  • Las geodatas èn avant maun en paucs formats (standards unitars) e sche pussaivel per l'entir territori da la Svizra.
  • Per optimar la grondezza dal document e da la cumpatibilitad cun differents programs da computer (software) vegnan las geodatas gruppadas sche necessari tenor il grad da specificaziun e/u tenor gruppas da caracteristicums. Quai pussibilitescha er da far ina differenziaziun tar ils pretschs.

 

 


geo.admin.ch c/o
Uffizi federal da topografia
COGIS (coordinaziun, geoinfurmaziun e servetschs)
Seftigenstrasse 264
CH - 3084 Wabern
Tel.
0041 58 469 03 15
Fax
0041 58 469 04 59

E-Mail


Stampar il contact

geo.admin.ch

c/o
Uffizi federal da topografia
COGIS (coordinaziun, geoinfurmaziun e servetschs)
Seftigenstrasse 264
CH - 3084 Wabern

Guardar la charta