La coordinaziun da la geoinfurmaziun entaifer l'administraziun federala stat sut la direcziun strategica da l'organ federal da coordinaziun per la geoinfurmaziun GCS. Quai vala er per la plattafurma geo.admin.ch.

Tenor l'art. 48 LGeo vegn "installà in organ da coordinaziun tenor l'artitgel 55 da la lescha dals 21 da mars 1997 davart l'organisaziun da la regenza e da l'administraziun per la coordinaziun en il sectur da la geoinfurmaziun da la confederaziun."

L'organ da coordinaziun sa cumpona mintgamai d'almain ina represchentanta u in represchentant da mintga departament e da la chanzlia federala sco er dal sectur da las scolas politecnicas federalas e da l'uffizi federal da topografia. Mintga autoritad nominescha sezza sia represchentaziun.

Administrativamain tutga el tar l'uffizi federal da topografia ed el ha in agen secretariat.

La realisaziun operaziunala da la strategia che vegn fixada da la GCS per geo.admin.ch è chaussa da l'uffizi federal da topografia.