Glossari

Datas che concernan il territori e che descrivan – per in tschert temp – l'extensiun e las caracteristicas da tscherts spazis e da tscherts objects, en spezial lur situaziun, lur natira, lur utilisaziun e lur relaziuns giuridicas (LGeo art. 3 al. 1 lit. a).

Applicaziuns colliablas che simplifitgeschan l'utilisaziun da servetschs electronics en il sectur da las geodatas e che rendan accessiblas las geodatas en ina furma structurada (LGeo art. 3 al. 1 lit. j).

Las geodatas da basa èn geodatas uffizialas fundamentalas che descrivan la cuntrada (topografia), ils bains immobigliars ed ils edifizis en ina moda neutrala en quai che concerna l'utilisaziun. Ellas èn er la basa per interpretar geodatas spezialas. En Svizra è la noziun "geodatas da basa" definida en la lescha sco geodatas che sa basan sin in relasch legislativ federal, chantunal u communal (LGeo art. 3 al. 1 lit. c).

Senza las geodatas da basa n'èn las geodatas spezialas sulettas betg u strusch interpretablas, perquai ch'il context territorial manca. Chartas tematicas u unitads da datas correspundentas èn in exempel per la cumbinaziun da geodatas da basa cun geodatas spezialas.

In sistem d'infurmaziun geografica (designaziun curta SIG) è in sistem d'infurmaziun che sa basa sin in computer e che consista da hardware, da software, da datas e d'applicaziuns. Cun el pon datas che concernan in territori vegnir registradas e redigidas, arcunadas e reorganisadas, modelladas ed analisadas en moda digitala sco er preschentadas en furma d'ina tabella u d'ina grafica.

Descripziun formala da las caracteristicas da geodatas, per exempel da la derivanza, dal cuntegn, da la structura, da la valaivladad, da l'actualitad, da l'exactadad, dals dretgs d'utilisaziun, da las pussaivladads d'access u da las metodas d'elavuraziun (LGeo art. 3 al. 1 lit. g).

geocat.ch è il catalog da metadatas da la Svizra. Uffizis federals, chantuns, vischnancas e firmas privatas registreschan en geocat.ch lur metadatas tar lur geodatas.

Cun metter a disposiziun ina infrastructura naziunala da geodatas creescha il program e-geo.ch in access facil e favuraivel ad ina purschida optimala d'infurmaziuns geograficas.

In Web Map Service (WMS) è ina interfatscha per clamar giu sur l'internet extracts da chartas.

CSW è in standard dal Open Geospatial Consortium per specifitgar ils servetschs da tschertga e da catalog en l'internet. Las metadatas or da geocat.ch pon vegnir consultadas sur ina interfatscha da CSW.